"Bage Dong"

"Bage Dong"

***** AI-ai, alangke pecak gagahnyo oi calon-calon Mangdewan kito mak ini ari yo, bajunyo rapi nian, bedasi, bekopiah, kurang-kurang bekaco mato itam pulo, Rutuk Nangkucil ngolahkan, singgonya perses pecak penganten nak kawin, omongannyo tu nak ngapowong, kito ni Wakil Rakyat, bukan dikit duit abis nak nuduk-i kursi didewan ini ni...heeek.
***** Payo, celetuk Matsikut, jangan bae gek nak korupsi, nak nginek, nak segalo macem, ngerinyo kalu gek tetangkap bukan dak pacak tiduk di Tanjungrajo sano, sudah-sudahnyo kalu kepengen "begeol" laju nyewo kamar Geol didalam sano...asyik. Rp75 sampe ratusan ribu Lur duite, celetuk Sepat Mato Abang logat Pegagan.
***** Ade beno, uji Wakso, gek jadi kanti tobo disane itu, nurut-nurut wang nyalon laju melok nyalon pule' duit banyak abes, sede-sede-e bini diurut wang...bruut-bud-bud.
***** Cak mano pulo cerito, kawan-kawan kito jadi Ketuo RT dikecamatan kota Caram ini ni, uji kabar tu SKnyo mayar Rp75 ribu, cacam kalu ado nian, gawat jugo namonyo, makmano kalu SK Lurah sama SK Camat dan sterusnyo berapolah yoh-yoh-yoh,..heek-heek,
bage dong.
***** Bak mano, Om Lem, apo di dusun diri Tujuh Puluh limo jugo nebus beseluit itu ni, kato Pemarap. Tak tau RAP, jawab Om Lem spontan, caro dirini jarang balek, cobo keruanko, kalu ado nian enjuk tau bae samo Lurah tu, bebage bae...cihui lodak.
***** Makmane, uji Wakso, munyi-e di Caram ikak-i, ade nyonya Angling Darma, kalu ade nian ati-ati bae, kalu gek-i ditarikke wang rambut laju tedodok, tetoot-toot.
***** Ade nian uji kautu, awak die lah ubanan ngoncer pule kurang-kurang banyak lagu, raseku ade pangkenye diseget kan urang, celetuk Mang Toy dari Sungai Buye sane pecak nak ngolahkan.

Kamar Geol

Kamar Geol

***** OMONGANNYO tu kalu gek tepilih jadi Mang Dewan, kalu mujur pacak lapang mat belanje di kalangan Tanjung ikak-i, uji Wakso ngolahke ponak-annyo becerito samo kawan-kawannyo sambel nunggu Mobil di Pasar Sapi Tanjugnraje, kemaren, setetak base pelembang setetak base wang tobo ikak-i.
***** Nyimpang omongan tu, kabarnyo di Penjaro Tanjungrajo sano ado sewoan kamar "Genjot" untuk siapo bae penduduknyo kepengen begenjot. Sewonyo dari puluhan ribu sampei ratusan ribu, celetuk Nangkucil. Cuma bae sewonyo itu masuk kas penjaro apo masuk kantong penjago, ini ni yang belum jelas, rutuk Matsikut pecak nak nyikut wong tula, cacam ladasnyo yo begeol didalam sano...cihui-hui.
***** Ado nian, untung lah disedioke kamar geol mak itu, jawab Kangnapi, kalu dak tu, bukan dak pacak wong dalam itu saleng anar buntut, caro tongkat dak milih tanah lebak dak milih iwak, gabus, lele apo lagi toman singgonyo masuk galo...heek.
***** Bakmano Om Lem, kabarnyo rombongan Mangdewan yang dipilih rakyat pemilu kemaren ado wong tigo ijazahnyo diraguke, yang sekoknyo tu wong lamo dekat diri tula, duonyo wong baru, pekik Pemarap pecah nak ngutik-ngutik dulurnyo...bruut.
***** Ade beno, simbat Wakso dimano tempat nak bebaso dio tula, kalu yang due ikok itu kabare memang palsu, tapi kalu wang sikok-e tu AO cerite lame, kalu dikutik banyak igek guru ngaji telibat, jadi lantak lah sane...teeetoot.

Nuntut Lokak

HM Syarifuddin Basrie

***** MALAM Kemaren Matsikut nyeritoke dulurnyo sambel ngeluh, alangke jahat nasip Koneng Suk kami itu Nang, duit abis, sawah tegadei, motor tejual, kurang andam keteko mertuo melok niamke, apo kau duit tak oleh perau dibirak-i urang balek kerumah diajak bini tiduk ngadu belakang....lodak hek-hek.
***** Itulah, celetuk Wakso kalu begerak dak bepeker lagi, lah tau partai banyak, wong nak jadi dewan banyak pulo, datang ke kito ni modal pas-pas bae, iyo sudah kalu dak tepilih mak ini...rusak sekaset dech namonyo, pekik Sepat Mato Abang ngolah ke sambel nyuil pinggang Wakso..bede het kaget.
***** Sudah lah sabar bae, simbat Mangajisabar dak sabar benasehat pecak Kiai, dulukan awak semut gatal tau-tau reformasi melok nyalon dewan, jadi. Nah periode sekarang dak gagal, iyo sudah Lur dak usa pulo banyak pikiran igo, balek lagi jadi semut gatal dak gatal pecak dulu lagi, gampang bacoannyo...ini nih dunio Lur, celetuk Matbetok sambel ngijapke mato pecak nak ngolahke.
***** Benar nian, pekik Om Lem sambel nyengir mak gaya dio tulah, kalu katek gawe nian gek jadi tukang bawakke Tas kito bae, ecaknyo tu pengawal.
***** Ade nian, Uji Wakso, care nuntut lokak kalu mujur pacak belanje.